Secretario General di MEP:
ORANJESTAD (AAN): Siman a habri y Secretario General di MEP, a comenta riba e caso Avestruz cu Benny Sevinger, ex-Minister di AVP, condena caba den corte di prome instancia ta den corte bek durante aña 2024. E caso Avestruz ta e caso unda Benny Sevinger, ex-Minister di AVP y miho amigo di Mike Eman a mal uza su poder pa facilita su kring di amigo “ family & friends” pa bende terenonan di pueblo y bira miyonario.
Amigonan tabata pidi tereno comercial y ta haya esaki, pero ya nan tabata tin cumprado. Por ehempel Leoncita a lanta diferente NV y uza hasta su propio yiu e tempo aya di 19 aña como director di NV pa un proyecto di 20 miyon florin. Manera a ricibi e tereno cu Benny a facilita Leoncita, nan a bende esaki mesora y gana miyones. Banda di esaki Benny tabata laga su best friend Susebeek paga pa drecha su cas. Susebeek ta padrastro di La Reina del Sur Gerlien Croes. Asina a prueba den cortre cu Susebeek a paga 100 mil florin pa traha cura di cas, cumpra un hardin y cumpra un gym extra luhoso pa Benny.
Hues a castiga actornan den caso Avestruz cu 11 aña di prison: Despues cu e caso a wordo trata di october te december 2022 a dura hues 4 luna pa yega na un veredicto. Diabierna 14 di april, hues a sentencia tanto Benny Sevinger y tur su amigonan cu un total di 11 aña di prison. Na Orca Bank na Curaçao tin un cuenta cu un suma di 2.4 miyon florin riba dje riba nomber di Susebeek e best friend di Benny Sevinger. E placa aki tambe a bini di bendemento di tereno. Den e sentencia di hues a dicta pa “verbeur” e suma aki. Pues a dicta pa incauta y kita e suma aki di Benny Sevingeer su “best friend”.
Banda di esaki, hues a dicta cu Benny “himself” pa 5 aña no por aparece riba un lista politico y tampoco por tin un funcion den aparato publico. Banda di tur esak, hues a reparti mas di 100 mil na boet na diferente di e actornan. Mike Eman y su sapatonan bieu a traduci esaki den un victoria y a bay celebra.
Durante aña 2024 y segun informacion den luna di mei, Benny Sevinger lo ta den corte bek pa 3 Hues trata e caso aki y muy probablemente Benny lo haya un sentencia mucho mas pisa cu el a ricibi caba den corte di prome instancia. Sinembargo, Mike Eman y AVP ainda ta sostene un Benny corupto den su alma cu sentencia riba su cabes. Berguensa di mundo pa esnan cu ainda lo vota pa un partido den decadencia di e manera aki.
Mike y AVP nunca mas: Despues cu Benny y henter su gang a ricibi e condena di 11 aña di prison total reparti entre nan, Mike Eman a sali bay fiesteha na cas di partido. Prohibi pa lubida! Mike Eman y tur e sapatonan bieu di AVP a traduci e condena tras di trali aki na un victoria. Tristo pa mira e reaccion unda algun “friends and family” di AVP a cay den wega y tabata baila na cas di partido.
E secretario di MEP a finalisa bisando cu luna di Mei ta acercando y nos kier mira ta ki fiesta AVP lo bin cu ne. IMPOSIBEL pa Benny, e bandido di AVP, por sali liber pa tur locual el a haci. Aña 2024 ta bay ta e aña cu AVP lo pasa pa pasado!
