Parlamentario Edgard Vrolijk:
ORANJESTAD (AAN): Durante campaña Partido AVP y Partido Futuro a priminti pueblo cu durante e prome 100 dianan di nan gobernacion nan lo bolter cos. Nan a haci e promesa na pueblo cu situacion lo drecha drasticamente na Aruba y sigur nan lo percura pa baha tur prijs na Aruba. Awor cu 100 dia di gobernacion a yega y pueblo por conclui cu nan pueblo a ser gaña y cos a bolter pa pio!
Nos a haya un gobierno cu NO tin liderazgo, sin vision y sin direccion!
Poco di promesanan cu lo a ser haci den 100 dia:
Pensionadonan lo haya 700 florin di aumento
Ningun hende lo mester paga mas pa remedinan
Nan lo pone solar panels na scolnan
Nan lo elimina airco geld
Nan lo mehora poder di compra
Nan lo baha prijsnan na Aruba
Good Corporate Governance ta nan guia
Lo tin solicitud habri pa tur funcion den Cocolishi
Pueblo lo ta felis paso Frigidairenan na Aruba lo ta yen atrobe
Esaki ta algun di e promesanan cu a ser haci y esaki ta e expectativa cu nan a crea. Awe nan kier rabia ora nan ser recorda nan riba loke nan a priminti pero no ta MEP bay campaña haciendo promesanan falso cu lo bolter cos den 100 dia.
Locual pueblo a haya:
6 luna ni un gabinete nan NO por a forma ainda y un candidato pa minister pa sospechoso
Pensionadonan NO a haya aumento di 700 florin
Awe keto bay pueblo tin cu paga pa 92 remedi cu AZV cu un surplus di 106 miyon florin
NINGUN scol no a haya solar panel cu minister Gerlien Croes a gaña tur hende
Awe aircogeld NO a wordo elimina
A para e mehoracion di structura salarial di maestronan
A corta structuralmente 3 miyon di enseñansa
Awe poder di compra a bay mas atras cu nunca
Aumento di prijs ta asotando pueblo
Prijs di gas a aumenta mas cu 35%
A kita 20 miyon di FCCA pa construi casnan social y baha e prijs di huur
Tur persona cu record criminal ta haya posicionan clave sin solicitud habri
Good Corparate Governance no ta existi y tur director di companianan estatal ta ser nombra paso ta sostenedor clave
Ley director minimumuurloon bon wanta pa yuda poder di compra di un grupo cu mester di dje
A kita transportgeld for di muchanan special sin consenshi
3 fiesta a costa pueblo rond 800.000 florin caba
E gabinete aki di AVP sin Futuro a resulta un desapunta grandi y desaster completo. Den 100 dia no a cumpli cu nada cu decepciona nan sostenedornan y pueblo. Dispidi placa facil haya a base di sacrificio di un pueblo pa recuperando despues di un pandemia, kibra tur regla di integridad y good corporate governance, amigonan y criminalnan ta ser hinca tur caminda y pueblo ta sufri cu prijsnan impagabel!
Un desapunto total pa pueblo!
