Lider di Partido RAIZ, Ursell Arends:
ORANJESTAD (AAN) – Lider di Partido RAIZ, señor Ursell Arends, den su relato ta sigui splica kico RAIZ ta bay duna atencion na termino medio y largo.
Desaroyo mester aliña cu e capacidad di carga di Aruba. “Nos sa cu nos a surpasa esaki masha tempo caba. Con ta bay purba na yega bek na un balans?”
Turismo como e pilar economico di Aruba, mester beneficia, no solamente inversionista of desaroyador, subi e nester yega na duna sosten pa un bida miho pa Arubianonan. Tuma por ehemplo, e Tourism Product Enhancement Fund (TPEF). A bin ta boga pa kita e atencion di e producto. Hende mester ta central den e inversionnan aki. RAIZ kier mira un “Tourism People Enhancement Fund”.
Comunidad su bos mester por rezone den decisionnan. Ta importante pa e comunidad wordo poni na altura y ta envolvi den decisionnan cu lo impacta nan bida. Proyectonan di embeyecemento ta wordo dicidi di un banda, sin consulta cu Arubianonan di con di berdad nan kier mira nan isla.
“Aruba ta mas cu un destinacion. Aruba ta un hogar. Un hogar cu tin su limite (fisico). Un lugar cu tin su hendenan, di cual nan dignidad y bienestar mester wordo proteha.
“A yega ora pa redefine kico progreso kiermen pa Aruba, pa e comunidad di Aruba y no solamente, pa e bishitante”. Asina Lider di Raiz, Ursell Arends, a conclui su relato.
