Entrada hudicial na Venezuelastraat:
ORANJESTAD (AAN): Diahuebs anochi Atraco Team (TBP) hunto cu Team di Aresto a haci un entrada hudicial na un apartamento situa na Venezuelastraat.
Segun informacionnan di Cuerpo Policial, a detene un persona di inicial R.M.B.A. naci na Haiti di 20 aña.
E deteccion ta enconexion cu un atraco cu a tuma lugar den e area di hotelnan, na unda e sospechoso a atraca e turista cu un arma di candela y a maltrate durante e atraco. No ta descarta cu lo tin mas detencion.
Diferente departamento di KPA a yuda durante e accion aki. Atraco Team ta trahando incansablemente pa asina resolve e casonan di atraco y pone mane riba e malechornan.
Un biaha mas Cuerpo Policial ta haci un apelacion na esnan cu sa algo of por a wak algo pa yama e tiplijn di polis cu ta 11141.
