Den un razzia na Bushiri
ORANJESTAD (AAN): Project Team Drugspanden ta un team cu a wordo lanta pa entre otro investiga bendemento di droga for di un percela.
En conexion cu un investigacion andando Project Team Drugspanden a bay na un cas na Bushiri y a detene e homber di inicialnan Y.Y.T. naci na Aruba di 40 aña.
Durante e entrada hudicial a confisca un cantidad basta grandi di diferente tipo di droga entre otro cocaina y tambe marihuana. Tambe a confisca un suma considerabel di placa y dos pistool na e cas na Bushiri.
Mirando e suma di placa confisca a dicidi di pasa e parti aki over na Afpakteam cu na nan turno tambe a confisca diferente autonan y brommer.
Diferente team special manera: K9-unit, departamento tecnico di Cuerpo Policial y otro teamnan tambe a participa na e entrada hudicial aki.
Pa Cuerpo Policial por resolve mas caso cooperacion y informacion di pueblo di Aruba ta hopi importante, pesey ta pidi si bo tin cualkier informacion yama nan tiplijn: 11141. Ta garantisa cu bo ta keda anonimo.
