ORANJESTAD (AAN): Ciudadanonan cu a bira victima di ladronicia, no por kere cu ladron a pasa sea anochi laat of madruga durante Toque de Queda,
y a bay cu un porta pisa cu tabatin instala na e entrada di garage di un cas.
Sinembargo como cu e porta ta di aluminio, kizas ta djis 2 ladron so tabatin mester pa bay cune.
Ta trata di un porta di alumino di 4.1 meter largo, y 1.4 meter halto. El a wordo horta for di un cas na Santa Cruz. Ladron posiblemente a usa un pickup pa por a bay cune, of kizas nan a dal un caminata den mondi cu e porta aki.
Cualkier persona cu sa algo di e porta di cas aki cu a wordo horta, por yama Tipline di Polis na 111-41.
