E tin 15 aña di edad
ORANJESTAD (AAN): Famianan ta haciendo un suplica, na cualkier persona cu por a mira e dama hoben aki, pa notifica nan mesora, of yama Polis.
Nan a haci e raportahe di hende perdi caba na Cuerpo Policial di Aruba, y awor ta pidi yudanza di pueblo pa yuda localiza e hoben di 15 aña aki, kende a sali bay sin permiso for di cas.
Tata di e hoben cu yama ‘Carolina’ di 15 aña, ta pidi cualkier persona cu por a mir’e, of cu sa unda e ta scondi, pa yama Polis na telefon 100. Tambe por yama 594-6002 pa duna informacion.
Famianan a bisa cu Carolina a sali for di cas, drenta un auto color cora cu un homber na stuur, y a bay.
Carolina tabatin un jacket roos manga largo bisti. E tabatin keds blanco na pia.
Tin di corda tur hende, cu Ley di Aruba ta castiga tambe esnan cu intencionalmente tin un mucha muher menor di edad scondi, pues e consecuencia por ta pisa pa abo cu lo por tin e mucha muher.
Un suplica ta bay na esnan cu por a mira Carolina, pa bati alarma mesora.
