ORANJESTAD (AAN): Enconexion cu e caso di asesinato cu a tuma lugar dia 15 di januari 2021, a base di interogacion y investigacion, Recherche di San Nicolas a detene 2
hende homber mas.
Ta trata di e hombernan di inicial Y.L.F. na un cas den Prinsenstraat, y tambe e homber J.J.W. na un cas den Caya St. Lucia.
Mester bisa cu e personanan deteni ta worde considera sumamente peligroso y ta pesey a haci uso di e team di aresto.
Pa Cuerpo Policial por resolve mas caso cooperacion y informacion di pueblo di Aruba ta hopi importante, pesey nan ta pidi pueblo cu por tin cualkier informacion yama nan Tipline na 111-41. Nan ta garantisa cu bo ta keda anonimo.
