ORANJESTAD (AAN): Dialuna mainta riba e caminda cu ta pasa door di Canashito, a surgi un accident ora cu e chauffeur femenino di un auto sedan color blanco
, pa un of otro motibo a perde control net na un birada cu tambe ta un subida alavez. E vehiculo a bay den un scual y finalmente a dal y pega net cerca di un palo di luz. A ser splica na DIARIO cu por poco el a dal tambe den un Truck grandi cu tambe tabata subiendo e momento ey den e birada. Polis como tambe Ambulans a yega rapidamente na e lugar, y paramediconan a traha mesora pa stabiliza e chauffeur. Despues nan a sake na un forma yen cautela via di e porta di pasahero, y a bay cune rumbo pa Servicio di Emergencia na Dr. Horacio Oduber Hospital pa samina. Roadservice a yega na e lugar pa asina traha rapport di e accident aki.
