ORANJESTAD (AAN): Recientemente e Cuerpo Policial cu ta encarga cu islanan di Bonaire, St. Eustatius y Saba, a divulga cu nan ta hayando cada biaha mas y mas ta investigando caso di atakenan cybernetico cometi contra hendenan priva y tambe companianan.
E atakenan digital aki ta hasta atacha nan sistema di computer.
Segun e oficialnan di Polis, diferente compania y organizacion na e tres islanan ey den poco tempo a bira victima di atakenan cybernetico di “ransomware”.
Hackernan e ora ta exigi placa di victimanan pa nan por kita e blokeo di e sistema y elimina e virus. Nan ta haya esaki preocupante, debi cu organizacionnan grandi, importante y vital manera Banco Central di Curacao y St. Maarten a (casi) bira victima di esey.
For di April 2021, Cuerpo Policial pa e islanan di Bonaire, St. Eustatius y Saba a lanta un Cyberteam special cu e meta pa e añanan venidero duna un bon sosten ora di investiga crimen cybernetico.
Pa bo haya e delincuentenan tin biah ata dificil debi na e posibilidadnan digital global di e tipo di atakenan aki, pero e team por apoya e denunciantenan y companianan si den e proceso pa reduci e desventaha.
E Cyberteam di Cuerpo Policial di Caribe Hulandes ta unico den e parti Caribense di Reino, y ta busca activamente cooperacion (internacional) cu Cuerponan, Organizacionnna, y Partnernan cu por sostene nan tambe den esaki.
Den periodo na caminda, e Team aki lo bay comparti informacion preventivo cu organizacion- y particularnan. Esey lo inclui diferente conseho con bo por proteha y haci bo sistema di computer mas safe, y reduci e chens cu nan por hack esaki.
