ORANJESTAD (AAN): Diamars anochi riba caminda di Watty Vos Boulevard riba e pida di Wayaca pa Cumana, a tuma lugar un boksmento basta fuerte entre un Auto Compacto y un Motorcycle.
Departamento di Trafico tin di bay investiga e causa, aunke a nota cu sea e auto y e brommer a dal den e sep-arador di e dos vianan.
E motorcycle a cay eybao cu e manehador banda di dje. E vehiculo mes a bay bolter y keda cu su cuatro wielnan den halto. E prome yamadanan cu a drenta na Polis tabata banda di 7:30 pm, pa indica cu e ac-cident aki ta basta grave. Diferente unidad di Polis a mobiliza pa e area, y unidadnan di Ambulans tambe cu a sali di nan Post Wayaca, a yega mesora.
E prome unidad di Polis a bin haya un motorcycle num-ber MFA-2682 eybao, y tambe un Auto Compacto BYD color blanco cu number A-26625. Eybao a constata cu e pulso di e mane-hador di motorcycle ta hopi debil, y esaki a pone cu mesora Polis a pidi pa Ambulans yega aun cu mas urgencia. Ora cu Para-mediconan a yega, a check su pulso y me-sora a cuminza practica CPR pa asina pone e victima hala rosea bek y pa su pulso nor-maliza.
E bon noticia ta cu nan a logra esey tambe, y unavez cu nan a stabiliza e victima sufi-ciente y cu e tin pulso atrobe riba machine, nan a sali cune cu urgencia pa Servicio di Emergencia di Dr. Horacio Oduber Hospi-tal pa tratamento mas avanza.
Polis di Trafico a yega na e lugar pa asina cuminza investiga e causa di accident.
Sinembargo na Servicio di Emergencia no por a haci mucho mas, como cu pa 8:22 pm, Dr. Daryanani a constata morto di e motociclista Angel Gabriel Senra Chara, naci na Aruba dia 14 di December 2002, pues tin 19 aña di edad. El a bira e di 6 morto di trafico pa 2022.
A pidi yudanza di Slachtofferhulp tambe pa asina yuda e famia pasa den momento-nan dificil aki.
Na famia di e fayecido, DI-ARIO y Cuerpo Policial ta extende su mas profundo palabra di condolencia.
