Project Team Drugspanden cu entrada hudicial na Tanki Leendert y Paradera
ORANJESTAD (AAN): Project Team Drugspanden ta un team cu a wordo lanta pa entre otro pa investiga bendemento di droga for di un percela y ariba caya.
En conexion cu un investigacion andando Project Team Drugspanden a haci entrada hudicial na un cas na Tanki Leendert y na Paradera.
A detene dos hende homber di inicialnan: Y.C.S di 35 aña naci na Guyana y J.O.G.O. di 31 aña naci na Peru pa bendemento di droga for di e percelanan menciona.
Durante razzia a confisca un cantidad di droga.
Pa Cuerpo Policial por resolve mas caso cooperacion y informacion di pueblo di Aruba ta hopi importante, pesey ta pidi si bo tin cualkier informacion yama nan tiplijn di Polis cu ta: 11141. KPA ta garantisa cu bo ta keda anonimo pa bendemento di droga.
