ORANJESTAD (AAN): Ministerio Publico a duna di conoce cu dialuna Polis a detene un homber relaciona cu un investigacion penal
di un accidente di trafico pisa riba diaranzon anochi 11 di october ultimo riba L.G. Smith Boulevard na Oranjestad.
Den e accidente aki, entre un auto y un motorcycle, un motoclista di 24 aña di edad y su pasahero di 21 aña di edad a resulta seriamente herida.
E dama pasahero, Luisa Torres Gutierrez di nacionalidad colombiano, naci dia 16 Juli 2002, a fayece diadomingo a consecuencia di su lesionnan. El a bira e di 8 morto den trafico pa loke ta 2023. E motoclista ta den condicion grave.
