ORANJESTAD (AAN): Dialuna oficialmente a cuminsa cu e interogacion di 31 testigo cu na November 2023,
Hues durante e “regie zitting” di caso Flamingo, a honra Otmar Oduber, acompaña pa su abogado mr. Carlo.
MARISOL TA WORDO INTEROGA
Ta asina cu dialuna e promer testigo tabata Parlamentario Marisol Tromp. Por a compronde cu e interogacion no a tuma lugar pasobra Parlamentario Marisol Tromp a viaha pa trabao. Hues Comisario tabata na altura di esaki y a keda palabra cu dia 20 di Juni 2024, e interogacion mester tuma lugar.
HUES KIER PA SCUCHA MARISOL
Ta asina cu Hues den su decision di “regie zitting” ta mustra cu ta importante pa scucha Marisol Tromp como testigo y confront’e cu e opinionnan di abogado di e sospechoso di tur loke a sali na cla di e investigacionnan. Por a compronde cu hopi di e acusacionnan pisa entre otro labamento di placa, a wordo poni un banda.
DIRECTORNAN LO WORDO INTEROGA
Den combersacion cu Otmar Oduber, el a duna di conoce cu Hues a honra su peticion pa asina trece claridad den tur e acusacionnan cu no tin base. Ta asina cu Diahuebs 6 di Juni 2024, e director di DIP, e director di Serlimar y e director di DOW lo wordo interoga dilanti Hues Comisario. Esaki relaciona cu e acusacion cu Otmar Oduber lo a forza nan pa tuma hende na trabao.
LO INTEROGA MIEMBRONAN DI LANDSRECHERCHE
Den e lista di 31 testigo tambe ta aparece 3 miembro di Landsrecherche cu lo a haci investigacion den caso Flamingo. Por corda con a bay haci investigacion na cas di Otmar Oduber y tur esaki lo bira topico di interogacion.
MIEMBRONAN DI RST TAMBE LO WORDO INTEROGA
Por a compronde di Otmar Oduber cu algun miembro di RST (Recherche Samenwerkings Team) tambe lo wordo interoga den transcurso di e simannan cu ta bin.
Tin henter un schedule traha pa e interogacionnan na Hues Comisario cu lo mester sosode entre Juni y Augustus 2024.
