ORANJESTAD (AAN): E dianan aki, DIARIO ta enfoca riba tur e empleadonan local den mundo di turismo, cu a sobresali durante 2023 y cu recien a ricibi un tan codicia ‘AHATA Excellence Award’ durante un anochi di gala.
Uno di esnan cu a gana premio ta Yanika Thodé Laurens. Yanika ta un persona cu ta atende Bar y Comedor na Infiniti Aruba. El a ricibi e premio di AHATA Excellence pa su trabao duro, dedicacion, y e manera formidable cu e ta inspira su colega- y huespednan tur dia.
Un palabra di pabien na Yanika, y sigur danki pa mantene nomber di Aruba na halto y di ta pone tur hende smile cu su bon trato.
