WILLEMSTAD: Despues di ta den servicio di Wardacosta pa 12,5 aña,
di cual e ultimo cinco añanan el a traha como Hefe di Punto di Sosten di Wardacosta na Hato na Curaçao, awor Bas van Heeringen ta bandona Wardacosta.
Ya caba e siman aki, a habri entrada pa Stefan Roll bira e Hefe nobo di e Punto di Sosten. Stefan ta un conoci di Wardacosta, den pasado e tabata ocupa e funcion di Hefe di Servicio Operacional di Hato y tambe e puesto di Hefe di e Centro di Operacion Maritimo na Wardacosta. Pues Stefan conoce e organizacion di paden y pafo, y por cuminsa mesora cu su trabaonan di operacion na Hato. Den e proximo añanan Stefan lo experiencia un periodo importante na Wardacosta, den cual lo tin hopi mas enfasis riba e trabaonan di Inteligencia Policial (Intelligence Gestuurde Politieoptreden). Esaki ta nifica cu Wardacosta lo conduci su operacionnan mas y mas a base di analisisnan.
Ultimo añanan Bas van Heeringen tabata envolvi den entre otro firmamento di contractnan nobo pa e unidadnan aereo di Wardacosta, cu un termino di dies aña. E ekiponan nobo aki ta hopi apto pa operacionnan di rescate riba lama, tareanan di investigacion y vigilancia.
Durante di e ceremonia di transferencia di mando den presencia di Director di Wardacosta di Caribe Hulandes, Walter Hansen y Director Suplente di Wardacosta, Joelle de Jong-Mercelina, Bas a reflexiona back riba su 12,5 aña di servicio na Wardacosta y e hopi operacionnan di rescate, e tantisimo hende cu a ser rescata y e rol importante di e Punto di Sosten di Hato den operacionnan contra droga. El a gradici tur hende y specialmente su coleganan na e Punto di Sosten na Hato. Wardacosta ta yama Stefan Roll bon bini y ta dese’e tur kos bon den su funcion nobo den seno di Wardacosta di Caribe Hulandes.
Riba e potret dilanti di e avion di Wardacosta por mira Bas van Heeringen na banda robez, y Stefan Roll na banda drechi.
