CARACAS: President di Instituto Nacional de Aeronautica Civil (INAC), esta Juan Teixeira, hunto cu representantenan di Cancilleria di Venezuela,
a reuni Dialuna cu e director di Aviacion Civil di Curaçao, cu e meta pa revisa e avancenan di e rutanan proponi unavez cu frontera habri bek entrante 3 di April 2023.
E reunion a tuma lugar den forma virtual, y tabata uno di e diferente reunionnan palabra desde cu a informa di e fecha cu ta habri frontera bek. Siman pasa mes, Juan Teixeira a tene un encuentro cu e Vice-Ministro di Relaciones Exteriores pa Europa, esta Franklin Ramirez cu e meta pa evalua e ruta di trabao cu lo activa e conexion aereo cu Curaçao.
Entrante Dialuna 3 di April, lo habri frontera aereo y maritimo pa Curaçao, mesun dia lo habri frontera maritimo cu Bonaire, y riba dialuna 1 di Mei lo tin e apertura cu Aruba.
