ORANJESTAD (AAN): Cu hopi emocion Sra. Cheryl mama di Cherry-Elle tambe a bin presencia con su yiu muher a bin tuma su certificado di Event Planning na Enseñanza Pa Empleo.
Sra. Cheryl ta relata cu e no por a haya cursonan pa su yiu cu no ta facil pa haya curso of un studio ya cu na Aruba pa adulto mes e ta hopi limita. Pero e personal y docentenan di Enseñanza Pa Empleo a traha un programa na unda su yiu muher Cherry -Elle por a sigui e curso aki y logra gradua pa 'event planning'.
"Como mama mi ta sinti hopi orguyoso mes y e sonrisa di mi yiu riba su cara di alegria cu e a logra di por haya un instituto pa e por a sigui desaroya su mes y amplia su conocimento .
Na Enseñanza Pa Empleo Cherry-Elle a sinti na cas unda a brinda e oportunidad unico aki y pensa di hunto Enseñanza Pa Empleo traha algun programa cu e y su amiganan tambe lo por sigui e cursonan di Enseñanza pa Empleo.
Mi no tin palabra pa gradici Enseñanza Pa Empleo como mama orguyoso di mi yiu pa e gesto aki y mi ta sinti mi mesun alegre y emociona cu mi yiu muher su soño di bira un professional den ramo di even planning" .
