ORANJESTAD (AAN): Riba Diahuebs, e profesionalnan na Santa Rosa a cosecha 15 kilo di Comcomber chikito.
Esakinan a worde planta den baki (raised beds) cual ta un alternativa pa esnan cu tin suelo di mal calidad of no tin mucho espacio pa planta.
Santa Rosa a pone algun saco di 1 kilo na benta pa 10 Florin.
Segun DIARIO a compronde for di Santa Rosa, nan no ta planta den escala grandi, pa no stroba e Cunukeronan di bende, pero e ta mas bien pa nan ilustra kico tur por worde planta y con facil e ta pa worde bendi. Bira un comerciante chikito, door di planta, cria of pisca.
