Cantidad total confisca ta yega awor na mas cu 5.500 kilo
ORANJESTAD (AAN): Zr.Ms. Groningen, cu actualmente ta nabega pa Wardacosta di Caribe Hulandes ta hacie bastante dificil pa narcotraficantenan den Region di Caribe Hulandes.
E barco patruyero ta nabega den e area for di April 2022. For di e tempo ey ya por a agrega algun captura di droga riba su lista di conteo.
Awor, dialuna un caso mas a bini acerca cu mas di 1.600 kilo di marihuana. E cantidad total di contrabando cu Wardacosta a confisca ta yega awor na mas cu 5.500 kilo.
E ultimo cantidad a keda confisca riba 8 di augustus despues cu un boto di contrabando a keda intercepta. E go-fast aki a keda descubri e anochi prome, pa e Centro di Operacionnan Maritimo (MOC) di Wardacosta, esaki a alarma Zr.Ms. Groningen.
E barco tabata tey presente e siguiente mainta den e area y a lansa dos boto interceptor
rapido. E FRISC nan aki a intercepta e go-fast.
Un rato prome cu esaki e tripulantenan di e go-fast a tira e paketenan den laman, na momento cu nan a ripara cu ta persigui nan. Unabes cu e barco Zr. Ms. Groningen tabata den banda di e go-fast nan a ordena pa esaki stop y e sospechosonan a entrega nan mes.
E tripulacion di Zr.Ms. Groningen y di Wardacosta a saca seguidamente 66 pakete cu un total di 1.600 kilo di droga for di laman.
E ocho sospechosonan y e contrabando a ser traslada na ‘Korps Politie Caribisch
Nederland’ (KPCN) cu lo sigui atende e caso. E contrabando a wordo destrui.
