SANTO DOMINGO: Autoridadnan di DNCD cu ta encarga cu control di droga na Republica Dominicana, a confisca mas di 2 kilo di cocaina na Aeropuerto Internacional di Punta Cana.
Agentenan anti-narcotica a aresta den e area di check-in, dos hoben di Suiza di 21 y 25 aña di edad. Ora cu nan tabata prepara pa bay subi un vuelo rumbo pa Suiza, pasando via Portugal.
Despues di a cuminza cu e proceso di inspeccion, den presencia di un Fiscal Auxiliar, nan a habri e dos maletanan y den cada uno di nan a haya un doble fondo, cu 1.1 kilo di cocaina. Pues el a bira un total di 2.2 kilo di cocaina.
Avion pues a lanta vuelo pa Europa, lagando e dosnan aki atras cu awor ta deteni, y a ser pasa pa Ministerio Publico di provincia la Altagracia, pasobra nan a viola ley 50-88 di droga y substancianan controla.
Awor ta bay interoga nan, pa asina determina si tin mas hende implica den e caso aki.
