ORANJESTAD (AAN): E turista Dorothy Milukas di 90 aña procedente di Lancaster,
Pennsylvania a fayece Diadomingo cu a pasa na su cas rondona pa su famia. E tabatin mas di 70 aña casa cu Edmund Milukas.
Dorothy a yega di traha pa Schick Corporation pa 10 aña, y despues tabata un ama di cas pa cuida su tres yiunan. Hunto cu su casa e tabata encanta e Casinonan, y tambe beachnan ora cu cada biaha e ta bin Aruba pa pasa vakantie. E tabata semper encanta cu beachnan di Aruba.
El a bay laga su casa, tres yiunan, y 4 nieto. Lo bay tin despedida di Dorothy riba Diahuebs 8 di Augustus den oranan di mainta, sigui pa entiero den oranan di atardi.
