NASHUA: Tur aña na un forma fiel e ta na Aruba! E ta bin sea cu su amigo, of un grupo vast di amigonan cu tambe ta bula for di New Hampshire y Massachusetts rumbo pa e isla aki den Caribe pa pasa dianan divertido y memorable.
Sinembargo Joanna L. Toohig a bira malo recientemente, y siman pasa su salud a deteriora rapidamente y el a fayece cu edad di 82 aña.
El a gradua di Salem State College cu un grado den educacion. Na e scol aki ta unda el a cera conoci cu su casa fiel, Warren J. Toohig.
El a cuminza duna les na scol di pueblo di Revere (Massachusetts), y despues a bira docente pa 27 aña na Nashua, New Hampshire. Ora el a retira como docente, el a bay traha na un Clinica di Wowo. Den su tempo liber e ta atende tur wega deportivo di su nietonan, aunke nan ta bay hunga na Canada of na Florida.
Casi ningun hende a yega di bisa algo negativo di Joanna. E tabata un amigo generoso, gusta lesa buki, ta un bon cosedor, ta horna pan y bolo na forma genial. Como cu e stima beach asina hopi, cada aña cu hopi anticipacion e ta spera riba nan viahe anual pa Aruba, hunto cu su grupo di amigonan di mas cercano. Na Aruba tambe e tabata gusta bay gamble den casino.
Joanna a fayece lagando su casa Warren, su dos yiunan, su nietonan, y tambe ruman homber y un ruman muher. Entiero a tuma lugar Diasabra cu a pasa na Nashua, New Hampshire.
