ORANJESTAD (AAN): E tabata stima Aruba y na varios ocasion a bishita e isla hunto cu su casa, despues cu el a baha cu pensioen.
Pero Dialuna siman pasa, e dama Wanda Jean McGary di 79 aña procedente di West Haven na Utah na Merca, a fayece na su cas.
Wanda a gradua di Brigham Young University (BYU) na 1967 cu un bachelor’s degree den Elementary Education. Na BYU University mes el conoce e amor di su bida, esta Alvin McGary. Nan a casa y a cuminsa forma nan famia na Utah, aunke a biba algun aña na Virginia, y despues a muda tambe pa Massachusetts.
E tabata un docente di scol basico pa hopi aña, y despues a traha varios aña den Customer Service na un Mall.
Despues cu nan a baha cu pensioen, nan tabata viaha regularmente pa Aruba. Fuera di esey nan a bishita tambe Hawaii, Alaska, y Canal di Panama.
El a bay lagando su casa Alvin, su dos yiu muher y un yiu homber, y 10 nieto atras, y dos bisanieto. Su funeral lo bay ta dia 11 di Mei na Syracuse, Utah.
