Suceso na Spaña a confirma informacion DIARIO y ta sostene un berdad
*Inversion turistico y adaptacion riba tur tereno ta un proceso continuo
*Reserva cu companianan mes mester crea ta parti di e pakete di riesgo
ORANJESTAD (AAN) —Recientemente Spaña, Portugal y Francia, a wordo confronta cu un desastre cu hende mes a crea.
Un fayo electrico mayor a cubri un parti grandi di e region cu scuridad y a exigi pa cantidad di turista cu a keda ariba caya, busca un forma pa rapidamente bolbe cas.
Esaki a conduci na perdidanan financiero grandi pa e paisnan envolvi riba tur tereno pero a emtrega mundo tambe e prueba cu turismo ta un industria exigente cu no ta soporta ningun fayo.
DIARIO conoci cu exigencianan internacional di turismo y e region caminda e centro di e problemanan mester tabata den e ceronan halto na Spaña, a bay contra e prome pensamento cu ta cambio di naturaleza a afecta e instalacionnan. DIARIO a mustra cu esaki ta imposibel debi a e diferencia di clima na e diferente regionnan envolvi.
Spaña a desmenti un cyber attack como posibilidad y mundo a keda den un suspenso te e siman aki pa haya contesta riba un asunto, cu no ta afecta solamente Spaña pero tambe otro paisnan, manera Merca sigur na e costa Pacifico di e pais.
Awor informacionnan ta drenta cu ta confirma e ponencia di DIARIO cu no tabata condicionnan di tempo cu a causa e desaster cu a haci cu tur turista despues di un anochi dramatico, mester a busca forma pa bolbe nan cas.
Informenan ta papia awor di mal trabou cu a wordo haci den planificacion y e partinan tecnico di e suministro di coriente na Spaña, cu sigur den su zonanan montañoso, di beachnan, di centronan di tradicion y historia mundial, ta un atraccion importante pa mundo turistico.
Turismo den e suceso aki, atrobe ta duna prueba di uno di su partinan negativo, cu ta e exigrencia di excelencia cu e ta exigi riba tur tereno y sigur riba e loke ta tereno di infrastructura, un palabra cu ta parce hopi caro pero den realidad tambe ta conduci na sumanan halto pa construccion y mantencion di e base cu mester duna servicio na turismo.
Den e caso di Spaña, e central di coriente a cay afor. Pues e base cu mester garantisa seguridad, comodidad y normalidad riba tur tereno di un mundo moderno, no tabata presente mas.
E resultado tabata un caos directo cu a resulta den demandanan serio y gastonan enorme pa e sector turistico di e paisnan cu a wordo afecta mescos cu un mal propaganda pa e regionnan, caminda awor ta wordo admiti cu ta falta di mal infrastructura y mal planificacion y trabou, a bira un disparo contra economia di Spaña.
Di e forma aki ta keda confirma tambe, e atencion grandi cu DIARIO ta duna na e parti basico di infrastructura di turismo riba tur tereno, mas ainda pa motibo cu Aruba ta un economia cu un natural cu ta exigi inversionnan enorme pa por sostene loke naturaleza ra brinda na turistanan.
Den mundo internacional di turismo, sigur e e tipo di acomodacionnan cu ta atractivo pa motibo di loke naturaleza ta brinda, tin core mas riesgo cu acomodacionnan por ehempel na un ciudad grandi cu entre otro turismo basa riba historia cu su diversidad enorme of cu ta basa actividad comercial.
Turismo cu ta atractivo pa motibo di naturaleza, mester vigila tur loke naturaleza por haci pero tambe mester tin bista riba e planificacion special pa realidadnan cu por presenta.
Un fayo tecnico cu por a presenta na cualkier pais, tabata origen di e desaster economico di tres pais, cu a wordo seriamente afecta pa e resultadonan cu e sucesonan tabata tin pa turismo.
Manera ya bisa, e planificacion a conduci na problema den e red di coriente. Simplemente nan no a regla e voltage na forma debido, loke a hinca e pais den un desastre economico.
Loke tambe a hunga un papel ta e hecho cu e persona cu mester a percura pa atende cu e problema y percura pa sosten adicional di emergencia, no a haci su trabou.
Infrastructura di un pais turistico riba tur tereno mester ta garantisa y continuamente mester wordo mantene na nivel aceptabel, pa asina evita problema serio pa e pais.
Infrastructura ta loke un pais ta entrega na proyectonan cu mester sostene na nan turno economia di un pais.
Pues aki e base di turismo ta demostra di ta depende di e loke e pais ta entrega na un empresa cu kier haci negoshi na Aruba.
E pakete aki mester ta bon regla y e pakete aki ta exigi, mantencion continuo loke ta haci cu parti di placa cu ta wordo paga na belasting, mester asegura un bon infrastructura nacional cu ta sirbi turismo.
Pa esaki ta posibel mester tin placa den caha di Gobierno, cu mester traha cu reserva sigur na un pais turistico, cu ta basa riba deseo di hende pa no tin preocupacion na su cabez y por sosega.
Na momento cu mundialmente problema surgi, mester traha plan con ta garantisa continuacion di cuminda, bebida, etc. pa comundad di e pais, pero tambe con ta prepara y ta planifica costonan cu cualkier problema cu ta mishi cu e infrastructura, por wordo regla.
Esaki ta e motibo cu DIARIO, cu conocemento amplio di e sector di turismo y negoshi internacional mundial, ta bati alarma ora na mundo por ehempel mal tempo por afecta e infrastructura pero tambe otro cambionan mundial, crea situacionnan inespera cu cual e pais mester atende.
Den un situacion mundial serio, DIARIO lo informa Aruba di tur detaye pa asina e ciudadano tambe conoce su responsabilidad den cualkier emergencia cu por surgi y exigi solucion cu no ta presente!
