PHILIPSBURG: Desde Diadomingo anochi, un sistema di Horario di Ciere mas trempan a drenta na vigor un biaha mas na isla di St. Maarten.
Negoshinan, incluyendo tur Casino y Club Nocturno, tin di cera nan porta tur anochi pa 11:00 pm, y lo haci esaki pa un periodo di dos siman.
E decision aki a ser tuma durante reunion di Ministro di Salud Publico, Omar Ottley, hunto cu doñonan di bar y lugarnan nocturno na e isla di St. Maarten.
Ministro a mustra e sector aki riba e seriedad di Covid-19, y asina a traha riba plan pa e.o. bin cu sistema pa fin di Augustus venidero unda solamente esnan vacuna of cu tin test negativo di PCR-Test por drenta negoshinan, y cual DIARIO a raporta caba riba dje den edicion di Dialuna.
