PORT OF SPAIN: Gobierno di Trinidad & Tobago a manda pidi autorizacion di Washington,
pa por importa gas venezolano, y asina por produci LNG Gas, segun un boletin publica e siman aki.
Prensa a bisa cu e gas aki lo bin principalmente di e veld Dragon, cu ta keda na parti pariba di Venezuela, unda PDVSA a bin topa cu reserva di 4.2 biyon di pia cubico. Aunke e proyecto mester a cuminza e produccion como mas di un decada caba, esaki a stop debi cu no tabatin placa y sancionnan imponi riba e pais.
Precisamente debi na e sancionnan aki impone door di Merca riba Venezuela, tur gobierno y negoshi tin di haya permiso prome di US State Department na Washington, prome cu nan por start haci negoshi cu PDVSA.
