Evento lo ta diasabra proximo na Biblioteca Nacional
ORANJESTAD (AAN): Michelle Brooks, Directora di Toastmaster Club a laga sa cu den cuadro di nan celebracion di 100 aña, ta organisando Diasabra awor 20 di April 2024 un bunita evento pa asina presenta na comunidad di Aruba kico Toastmasters Club ta, y di e manera aki haya mas miembro. A yama e actividad aki ‘Membership Building Campaign’.
El a splica cu na Aruba tin cinco club di Toastmasters y hunto nan ta uni pa tene e actividad aki.
Como un Toastmaster bo ta siña pa desaroya bo mes por medio di discurso, unda cada bes bo traha y presenta un discurso e ta wordo evalua door di un otro toastmaster, y na e manera aki bo ta sigui crece y haya confiansa den bo mes. Como un toastmaster bo ta evalua un otro toastmaster su discurso tambe, y ta aki bo ta yuda otro tambe pa crece.
No ta pornada Toastmasters International ta celebrando e aña aki ‘100 aña di existencia’ cu aproximadamente 270.000 miembro den mas cu 14.200 clubs, na 148 pais na mundo. E organisacion di Toastmasters tey pa keda, yudando hobennan como adulto den nan desaroyo.
Si bo kier bira maestro(a) di scol, bo kier bira un agencia di real estate, bo tin pensamento pa drenta mundo di benta, bo kier bende seguro, bo kier bende bo producto, bo tin pensamento di busca otro trabow, traha den horeca, bo kier desaroyo bo idioma Ingles y Papiamento, hasta si bo ta un studiante y bo kier haya mas confianza den bo mes pa ora di spreekbeurt, join Toastmaster.
Bin presencia pa bo mes discursonan humoristico, informativo, educacional, discurso cu ta motiva bo, na e idioma Papiamento y Ingles hunto cu nan evaluacion y presencia tambe nos seccion di preguntanan impromptu, Diasabra 20 April 2024 na Biblioteca Nacional di Aruba.
Orario ta di 4.30 pa 8.30 PM. E promer seccion di discurso ta cuminsa 5’or pa 6’or e di dos ta seccion ta 6.30 pa 7.30 PM. Entrada ta gratis.
