ORANJESTAD (AAN): Algun siman pasa, tabatin personanan cu a raporta na Arubus
cu tin algun plachi di zink cu a los riba e Parada di Bus cu tin na Brazil riba caminda principal.
Ta trata aki di esun grandi color berde cu tin banda di caminda.
Fotografo di DIARIO tabata presente na momento cu e compania encarga cu a fabrica e Parada di Bus aki, esta Kooltemp Aruba NV, a desmantela full e Parada di Bus.
Esaki ta wordo haci pa posiblemente bay renoba esaki completamente, y despues ta bay pone bek. Pues pa algun dia, e Parada di Bus aki lo ta sin dak, y ta spera cu pasaheronan tuma consideracion cu esaki.
