ORANJESTAD (AAN): Prome Minister Evelyn Wever-Croes a anuncia diabierna mainta
durante un rueda di prensa cu gobierno di Aruba a tuma e decision pa organisa un forum pa prensa caminda cu lo bay hopi mas den detaye den loke ta e Landspakket, e 'uitvoerings rapportage', y e 'uitvoerings agenda', linea pa linea ya cu e ta hopi.
Segun e mandatario, den un conferencia di prensa no por atende cu tur aspecto.
E ta kere cu ta importante pa comparti mas informacion cu prensa, duna e transparencia na prensa pasobra asina so ta logra miho 'checks and balances' y na final ta logra un comunidad miho informa riba e tema aki, Wever-Croes a indica.
