Directora a revela:
*Ta dificil pa haya specialista manera psicologo o orthopedagogo
ORANJESTAD (AAN): Directora Els Van Homelen Stichting Voor Verstandelijk Gehandicapten Aruba a laga sa cu den transcurso di tempo SVGA a encontra algun reto.
Desde cu gobierno a cambia e forma di subsidia fundacionan na 2017, sin cu a caba di 'rond af' e 'bevorderingen' di hopi trahado cu a wordo pidi prome cu e cambio, e presupuesto no ta yega pa duna e cantidad y calidad di cuido cu nan kier brinda nan clientenan.
Gobierno, te awe, no a tene cuenta cu e suma di subsidio cu tin inflacion tampoco. Esaki lamentablemente a resulta den un 'inkrimping' den cuido desde januari 2024 y un caso den corte contra gobierno.
Cu e noticia na final di december 2023 cu SABA a ricibi 'payback' di 3.35 miyon di florin nan tin speransa cu gobierno lo paga nan trahadonan tambe nan 'payback'. Mientras tanto nan ta warda decision di hues.
Un otro reto cu SVGA ta confronta ta cu ta dificil pa haya specialista manera psicologo o orthopedagogo, ta hunga un rol atrobe cu otro fundacion cu ta cay bou ministerio di salud por paga salarionan hopi mas miho cu nos.
Pa cu clientenan ta mira cu no tin pasadia adecuado pa e adulto mayor cu un discapacidad intelectual na Aruba. Esey ta haci cu pa e famianan ta hopi pisa pa cuida nan familiar y e peso riba e casnan manera Cas Sjabrururi y Stichting Ambiente Feliz a bira mas.
Tin mester di mas trahado den e casnan pa por cumpli cu e necesidad di e habitantenan, y e trahadonan mester di habilidad nobo pa deal cu e problemanan fisico y psikico cu ta bin cu edad halto, Els Van Homelen a declara.
