Lisette Croes, coordinadora di actividad di CasMarie
ORANJESTAD (AAN): Lisette Croes, coordinadora di actividad di CasMarie a indica e aña aki nan Summer Camp ta bay ta un poco diferente, mirando cu normalmente nan ta organisa esaki pa muchanan di edad di 6 pa 13 aña. E aña aki, nan a dicidi di tuma hobennan di MAVO, EPB tanto di San Nicolas y Hato, Colegio, kiermen studiantenan cu kier bin boluntario. E summer camp ta di 8'or pa 1'or y ta cuminsa 14 di juli pa 18 di juli, nan ta ofrece actividadnan cu hopi ambiente, cuminda cayente.
Entre e actividadnan ta un dia na beach, bus trip, invitado special y zumba. E hobennan ta haya oportunidad pa disfruta y alabes bay cas cu un experiencia unico.
E summer camp ta un manera pa mantene e hobennan activo y positivo durante vakantie, na unda nan por siña hopi di nos grandinan.
Mayornan cu ta interesa pa nan yiunan participa den e summer camp por tuma contacto cu CasMarie, e inscripcion mester a cera siman pasa, pero nan tin algun lugar disponibel.
