E acto cu habitantenan a logra stop e proyecto
ORANJESTAD (AAN): Pueblo di pariba di brug (gran parti di e poblacion di pais Aruba), despues di 35 aña di un economia den spiral negativo di a perde over di 800 famia, cu e porcentahe mas halto di problemanan social di e isla y cu a wordo declara oficialmente e sector mas pober di Aruba, porfin tabatin un luz na horizonte cu nan situacion economico lo drecha.
Finalmente a logra un inversionista pa traha e prome hotel Pariba di Brug cu lo fungi manera catalizador.
Esaki a trece caba cu Gobierno tin atencion pa “pariba di brug” mester adapta Pariba di brug na un sector turístico manteniendo nos identidad autentico. Proyecto Serena (Rodger’s Beach) a worde cumpra y lo ta pronto den construccion. Shumarucu Real Estate ta cla pa converti ex Esso Club den un boutique hotel. Grupo Giannis cu proyecto di boutique hotel cerca di Secrets.
Pues por a mira cu esaki a habri interesnan serio di inversionista local y international pa establece y habri negoshinan nobo pariba di brug.
E posibilidad pa pueblo traha mas cerca di nan cas, nan famia, ta yuda e economía di pariba. E aumento di tempo familiar lo trece cambio positivo di nos situacion social.
Awe, tur esaki ta na peliger pa un grupo minoritario cu ta considera nan agenda personal mas importante cu e beneficio di henter un poblacion, pa colmo ta logra convence un grupo asina serio manera Parke Nacional Arikok pa apoya nan.
Esey ta loke San Nicolas Business Association (SNBA) a declara den un boletin. Si papia di daño na medio ambiente, lo mester evalua serio y legalmente e proyecto y monsternan di hotel cu ta coba, destrui (fauna y flora) pabao di brug.
Pueblo di pariba di brug, gruponan uni di pariba di brug “Pariba Alliance” ta preparando un accion pa pidi Gobierno y tur otro autoridad concerni pa no permiti e atentado aki contra e futuro di nan distrito.
