ORANJESTAD (AAN): E compania Setar NV a dicidi pone spotlight riba nan ‘Employee Highlight’ di e luna aki, esta e funcionario Gino Vis.
Desde aña pasa augustus, Setar tin un Sustainability Project Engineer in-house. Como Sustainability Project Engineer, Gino su rol ta pa sondea y identifica posibilidadnan pa ta mas sostenibel, implementa y trek sustainability projects na Setar, cu e meta pa e bira un compania mas sostenibel.
Gino ta un persona deportivo. Den su tempo liber e ta gusta core, core mountain bike y practica beach tennis.
Recientemente Gino a adopta e belief di Stoicism. E belief cu bo mester respeta y aprecia e naturalesa cu tin y activamente purba mehora e situacion pa no destrui e naturalesa. Por ehempel: no ta overly greedy, respeta naturalesa, awa y cuida bestia. Como humano nos no mester kita tur cos, pero si biba un bida cu bo por ta orguyoso di dje.
