ORANJESTAD (AAN): Durante henter luna di September venidero, Wit Gele Kruis Aruba lo tin e conocido ‘Curso Futuro Mayor’,
pa asina tur mama y tata nobo haya tur informacion relevante awor cu nan ta bira mayor pa prome biaha. Di e forma aki e curso aki ta yuda nan prepara pa nan aventura di mas bunita cu ta na caminda.
Por registra ainda yamando 281-4544 na Wit Gele Kruis Aruba. Lo tin un costo di 40 Florin si e mama so bay. Si acaso ta un pareha, e ta bira 60 Florin. E cursonan lo wordo duna den e fenomenal ‘Aula di Lama’ cu ta un espacio di les special na JOIA Aruba by Iberostar na Eagle Beach. E entrada ta abao pafo banda panort di e Hotel.
Cursonan: Lo bay tin 8 sesion di e curso aki, y cada uno ta riba un fecha. Nan ta asina aki:
(*) Diamars 1 September, curso duna door di Partera (di 6:30 te cu 8:30 pm).
(*) Diahuebs 3 September, curso duna di Preparacion pa Parto (di 6:30 te 7:30 pm). Sigui pa curso di Verloskamer (di 7:30 te 8:30 pm.)
(*) Diamars 8 September, curso duna encuanto Lechi di Pecho (di 6:30 te 8:30 pm).
(*) Diahuebs 10 September, curso di salud oral (di 6:30 te 7:30 pm). Sigui pa curso di nutricion saludabel (di 7:30 te 8:30 pm).
(*) Diamars 15 September, curso di Tienda di Educacion (di 6:30 te 8:30 pm).
(*) Diahuebs 17 September, curso di Psicologo (di 6:30 te 8:30 pm).
(*) Diamars 22 September, curso di WGK Sector Cuido pa mayor y yiu (di 6:30 te 8:30 pm).
(*) Diahuebs 24 September, curso di Fundacion Pa Nos Muchanan (di 6:30 te 8:30 pm).
