Emocionante como hoben pa mira tanto expresionnan di sentimento, diversificación di pasonan y dedicacioon di mi famia grandi di Club di Movimento,
na momento cu nos tur a bini hunto pa trece dilanti loke nos a siňa durante di aña den forma di un storia di bida.
Cu masha hopi pasenshi, e directornan di baile a trece temanan cu ta toca nos bida. E bida di mucha, nos ricibimento, e quinceañera, prom, casamento, pero tambe situacionnan doloroso cu ta concerni perdida. Perdida di sernan keri, pero tambe na momento cu un ser keri no ta reconoce nos mas door di Alzheimer.
E topico Alzheimer ta algo doloroso y ta toca hopi di nos, pa ilustra esaki den baile tabata precioso y emocionante. Al igual e perdida di un familiar dor di accidente, penoso y emotivo pero hopi pisa den grupo, door cu no ta fácil pa mira un compañero di baile sufri y yora su perdida cu alavez ta bira esun di bo. E baile “Lift me Up” di Riana, sigur ta bay den buki di historia pa ta un tema duro pa baila door di e emocionan, pero bunita pa ta hunto cu bo compañero di baile y mustra unión y hermandad. Algo cu nos como hoben mester Semper hiba como prioridad.
Mas di 135 mucha y hoben deriva for di 25 grupo di baile a duna tur loke nan tabata por den esfuerzo pa trece temanan dilanti den transformacion di baile. For di Baby class, tap class, ballet , streetdance kids and teens, Latin dance y e specialidad di Acro a keda desplega como un explosion di baile, di sentimento, di emocion.
Club di Movimento no solamente a demostra calidad pero tambe den su mayoría un nivel halto di storianan humano converti den un choreografia sin igual.
Guizza Maria Steenvoorde
{gallery}Seasons of Life Mas cu un presentacion di baile, un dedicacion na bida{/gallery}
