PARAMARIBO: Ministerio di Enseñanza na Suriname a tuma decision e siman aki, cu horario di les pa scolnan basico den luna di October ta bay wordo adapta. Esaki debi na e temperaturanan halto durante dia.
Desde e siman aki, scolnan basico lo finaliza cu les pa 12’or di merdia. E medida aki ta valido te cu 31 di October.
Na Suriname, scolnan basico mayoria ta caba sea 12:30 pm of 1:00 pm. Ultimo simannan, ni maske nan habri bentananan hancho, nada di biento ta drenta y no ta contribui pa reduci e efecto di calor riba e alumnonan.
Debi na e calor, e alumnonan casi no por concentra drechi. Pesey e escala e problema aki te na nivel di Gobierno, y un decision a cay pa manda alumnonan cas mas trempan.
Masha poco scol basico na Suriname tin airco den klas.
