ORANJESTAD (AAN): Sarah Quita Offringa ta logra gana Copa Mundial di Slalom na Israel den e PWA World Tour di Windsurfing.
Segun website di Sarah-Quita, e tabata hopi contento di por a bolbe participa den e evento hunto cu otro 10 participante. El a indica cu e confirmacion di evento na Israel tabata poco inespera, pero e ta gradici cu organizadornan di e evento y PWA a logra esaki.
Sarah-Quita a indica cu e condicionnan tabata basta dificil mirando cu e evento ta basta cerca di e costa, pa asina medionan por a haya un miho cobertura.
Esaki sigur ta un tremendo logro mas pa Sarah-Quita, kende ta sigui domina den escenarionan internacional y Aruba ta super orguyoso di dje.
Potretnan cortesia di website di Sarah-Quita y di John Carter.
