ORANJESTAD (AAN): E ta un momento di orguyo, un sentimento di celebracion, y sigur contento cu bo yiunan ta logra bay dilanti den bida.
Pesey mes, e mayornan di Romario Goeloe y tambe di Lorain Damian ta sumamente orguyoso cu e studiantenan aki a logra nan titulo.
Nan a splica DIARIO, cu e alumnonan aki a obtene nan titulo di Masters den Air Transport Management na De Montfort University na Leicester, Inglatera.
“Tabata un dia hopi bunita y inolvidabel unda nos a presencia boso ceremonia di graduacion. Nos ta desea boso un Futuro Bunita y Briyante. Pabien!” Esey tabata palabra di famianan.
