ORANJESTAD (AAN): Riba Dialuna durante un reunion di Comishon Central, Parlamento a aproba e peticion di Minister di Husticia sr. Bikker, pa mientras tanto "vooruitlopend" riba tratamento di presupuesto di pais Aruba por adkeri cierto materialnan pa Cuerpo Policial.
E ta relaciona cu material pa garantiza seguridad di oficialnan di ley y tambe en general seguridad di Aruba. “Esaki ta importante pa por garantisa e seguridad di e polisnan pero tambe pa garantisa seguridad di e ciudadanonan,” ta loke Parlamentario Rocco Tjon di MEP a indica.
Asina a bin un peticion pa adkiri "bulletproof- vests" y algun aparato pa frena e tiramentonan.
Segun Tjon, tambe a duna aprobacion pa Klas nobo pa Prison di KIA, y tambe Cuerpo Policial Arubano.
Asina a duna aprobacion pa por cuminsa cu un klas nobo pa KIA y KPA. Esaki tambe ta importante pa por sigui brinda seguridad.
Obviamente e aprobacion di parti MEP y RAIZ a worde condiciona na e hecho cu esaki mester sosode dentro di e cuadronan financiero. Y esaki no lo ta un problema, segun Minister di Husticia sr. Bikker. Pues no ta trata di fondonan adicional, pero fondonan presupuesta den presupuesto 2021.
