SANTO DOMINGO: Ministro di Industria y Comercio, Victor Bisonó, a indica cu Gobierno lo bay subsidia cu 400 miyon Pesos Dominicano
e companianan cu ta produci materia prima pa horna pan, hariña y pasta, pa asina garantiza e prijs y disponibilidad di e productonan aki pa un periodo di 45 dia.
E paso aki ta pa evita cu e tres productonan aki tambe ta sigui subi di prijs manera tur e otronan caba.
Pa evita cu e companianan ta perde placa, Gobierno lo duna subsidio cu e meta final pa e consumidor keda haya pa siguiente 45 dia, e prijs di pan mescos sin cu e ta subi.
