ORANJESTAD (AAN): Recientemente durante conferencia di prensa di Gobierno di Aruba, Minister Endy Croes a elabora riba e renobacion di e cancha di basketball na Village.
E trabaonan ta tumando luga aunke den tempo dificil. E cancha di basketball ta worde uza pa e muchanan di e bario. Ultimo biaha cu e cancha di basketball a worde renoba tabata na aña 2009, lamentablemente durante 13 aña e cancha no a haya atencion.
Minister Endy Croes a indica cu bishita e bario y papiando cu hendenan den bario a sinti cu e ta un gran necesidad pa renoba e cancha di basketball cu a bira practicamente un ruina. Durante e prome siman di februari a cuminsa cu e renobacion.
Lo bin heki nobo, e vloer ta worde completamente drecha haci ful moderno, hutnan rond lo worde drecha, lo pone luznan LED cu ta traha cu sistema solar pa por garantisa cu tin suficiente iluminacion. Asina brinda mucha y hobennan di e bario e oportunidad pa por practica deporte y keda activo
