ORANJESTAD (AAN): Mas hende ta sigui cu e trend di gana via di nan numbernan vast.
E biaha aki ta Rafael a cumpra su numbernan vast pa Catochi, y el a gana tambe.
El a gana 8.000 Florin, sinembargo debi cu el a hunga cu e opcion di Multi-X, e merdia ey e bolita cu a sali tabata X2. Esey nifica cu el a multiplica su premio dos biaha.
Pesey riba Diamars el a acudi na oficina di Lotto pa reclama su premio. Aki e funcionaria a revisa su ticket pa check si el a pone e firma, y e numbernan di banco na e parti patras di ticket. Ora di scan e barcode, e computer a confirma cu Rafael a gana 16.000 Florin total, danki na Multi-X.
Mesora a sigui cu e proceso pa transferi e premio electronicamente pa su cuenta di banco. Rafael a indica cu e ticket ganador el a cumpra na M&F Valero Essoville.
