Minister Wever:
*Hulanda a duna aprobacion y lo haya fondonan adicional
ORANJESTAD (AAN): Ministro Geoffrey Wever durante un entrevista a elabora riba e Departamento di Servicio na Defensa di Consumidor (Sedeco), cu awor ta duna bo chens di entrega denuncia online.
El a splica cu esaki ta un departamento cu ta duna sosten na Huurcommissie tambe y e trabao ey lo sigui cu e trabaonan cu ta haciendo pa empodera Huurcommissie y yuda pa e beschikingnan por sali mas lihe.
E mandatario a sigui bisa cu semper tabata su intencion pa e parti di proteccion di e consumidor wordo separa, modernisa y optimalisa. Mirando cu e departamento aki no tin autoridad pa por ehempel
actua, busca opcionnan cu por duna mas contenido na esaki.
Minister Wever a laga sa cu e intencion ta pa mehora e posicion di e consumidor. A agrega cu a haya aprobacion di Hulanda, den cuadro di e implementacion di Aruba Fair Trade Authority (AFTA), pa agrega tambe e parti di proteccion di e consumidor.
Den loke ta e implementacion, resta placa di Hulanda, cu mas o menos 300 mil florin. A acerca Secretario di Estado y a bise cu a keda cla cu e parti di concurencia di AFTA) y aworaki ta desea pa agrega e parti di 'consumenten bescherming' tambe pasobra e si tin tur e hermentnan legal pa por actua. a indica.
Hulanda a proba esaki y pa haya fondonan adicional pa haci e cambionan di ley pa asina AFTA haya banda di e autoridad pa proteha competencia husto, tambe e proteccion di e consumidor. Esey ta bay ta cambionan hopi structural pa e posicion di e consumidor, Minister Geoffrey Wever a declara.
