ORANJESTAD (AAN): Recientemente a tuma luga varios reunion cordial y constructivo entre lidernan politico y figuranan prominente den relacion entre Hulanda y Aruba.
Den e encuentro aki a dialoga cu Nico van Grieken, ex-presidente di e asociacion Nederland-Aruba y a elabora riba e importancia di e Gabinete Hulandes nobo cu lo keda forma despues di e siguiente eleccion.
Den contexto di e eleccionnan cu ta na caminda na Hulanda, hopi ta pendiente di e resultado pa e formacion di e gabinete nobo y si nan tin miras riba e interesnan di e islanan Hulandes den Caribe. Esakinan ta inclui stabilidad economico, sostenibilidad social y fortificacion di e posicion di Aruba den Reino. E realidad di Covid-19 a mustra nos claramente cu Aruba, como pais chikito, ta depende den momentonan critico riba e solidaridad y cooperacion. E apoyo cu Hulanda a duna durante e periodo aki ta conta cu aprecio grandi, pero mesun situacion a mustra e necesidad pa un colaboracion mas structural y duradero.
Aruba ta riba e caminda di progreso, positivismo y confiansa den su capacidad propio. Pero pa mantene stabilidad y prosperidad pa tur hende, ta vital pa tin cooperacion igual den Reino, unda ta respeta Aruba su bos y ta construi futuro hunto.
