Franchesca Heinze, director ATHA:
ORANJESTAD (AAN): Directora di Asociacion di Trabao di Hubentud Aruba (ATHA), señora Franchesca Heinze, a informa cu den cuadro di Dia Internacional di Derecho di Mucha, y Dia di Mucha na Aruba, e siguiente eventonan lo tuma lugar rond di Aruba, organiza pa diferente instancia:
Diasabra 18 di November, Hunga Teca tin un evento na Biblioteca Nacional na Playa, yama “Koken Met Hanneke”, di 10.30 or di mainta pa 1 or di merdia.
Diadomingo 19 e actividad ta na YMCA San Nicolas “Pasa pret cu Rotaract” di 10 or di mainta pa 2 or di atardi.
Na Centro di Bario Savaneta, lo tin celebracion di Dia Internacional di Mucha yama “Wheels and Roars Kids Extravaganza”, di 5.30 di atardi pa 8.30 or di anochi.
Centro di Bario Tanki Leendert y YMCA San Nicolas lo tin “Feed the kits day” di 10 or di mainta pa 2 or di atardi.
Dialuna 20 di November: Centro di Bario Playa Pabao ta celebra cu e Festival di Derecho di Mucha. Esaki lo tuma lugar di 3’or di atardi pa 8’or di anochi.
Centro di Bario Noord lo tin reapertura di speeltuin di 6.30 or di atardi pa 8.30 or di anochi.
Pa siete aña caba, Liberato Hoek ta bezig cu e Movecion di Heroes unda lo bishita diferente scol, haciendo un show di baile pa e muchanan. Esaki lo cuminza 8’or di mainta te cu 12 or di merdia.
Diahuebs 23: Asociacion di Trabao di Hubentud Aruba (ATHA), lo tin e charla “Con pa atende cu comportacion no desea di mucha y hoben”. E lo tuma lugar di 6.30 or di atardi pa 8.30 or di anochi na Caya Appeldam 2, Oficina di ATHA.
Diasabra 25: E siman di Derechonan di Mucha lo clausura cu Hunga Teca, na Biblioteca Nacional na Playa cu e evento: “Kleurplaten Inkleuren” di 10.30 or di mainta te 1’or di atardi.
