BERLIN: E cambio di prijs di gas cu ta wordo introduci na Alemania,
ta destina pa cubri e costo halto cu nan tin awor pa reemplaza e gas ruso entrante October venidero pa tur esnan cu ta us’e. El a wordo poni na 2,419 eurocent pa kWh. Esaki a wordo anuncia door di Trading Hub Europe (THE), cu ta e fusion di operadornan di rednan di gas, na Ratingen.
Esaki nifica cu pa un famia di cuatro persona, esaki lo bay bira un costo anual di como 480 euro. Un famia cu ta gasta anual como 20.000 kWh, lo bay haya gasto adicional di casi 600 euro.
E ahuste di prijs aki, cu a wordo planea door di gobierno aleman den un intento pa yuda Uniper y otro importadornan sobrevivi e prijsnan halto cu nan ta topando cune desde cu e suministro ruso a wordo reduci, lo drenta na vigor dia 1 di October 2022 y lo keda valido te cu April 2024.
E companianan aki no mag di deduci nan costo adicional actualmente, pero Belasting lo tin di bay compensa 90 porciento di e costonan aki, pa evita cu e companianan ta bay bancarota y finalmente evita cu tin fayo den entrega di gas.
Gobierno di Alemania ta compronde cu ciudadanonan lo bay haya gastonan considerablemente extra, pero nan tin pensa di bin cu medidanan di alivio pa pueblo.
Inflacion na Alemania ya ta na 8,5%, y e aumento di cobranza di energia na cas lo aumenta aun mas e costo di bida, specialmente ta bira halto pa hendenan cu entrada abao of mediano.
