NEW YORK: E prijs di bari di petroleo West Texas Intermediate (WTI)
cu apenas 1 luna pasa (17 di Juli 2022) tabata na prijs di $99 pa bari, riba Diamars atardi tabata zweef banda di $85,81 pa bari. Despues el a subi bek un tiki.
Un dia prome, esta Dialuna atardi el a cera na $87,92 pa bari, y esakinan pa contract di September, segun informe di e stock market pricing publica pa Bloomberg.
Mientras tanto, prijs di petroleo tipo Brent, cu ta wordo usa na mercado di Reino Uni y Europa, a wordo bendi Diamars atardi na $92,50 pa bari, cu tambe ta mustra cu e ta cayendo.
E contractnan pa September di e ‘commodities’ di energia manera gas natural, gasolin, heating oil, y diesel a perde tereno desde Dialuna caba. Pero prijs di kerosine si ta kedando igual.
