ORANJESTAD (AAN): E siman aki, oficialnan di Cuerpo Policial di Aruba, y tambe Bureau City Inspector a topa un situacion inaceptabel na Malmok.
A sali na cla, cu un ciudadano kende pa hopi aña ta campa riba e barancanan aki na Malmok, ta cumpra varios yarda di santo blanco, cu meta pa basha esaki riba e capuchin, cera di e lugar conoci como ‘Tres Trapi’.
Lamentablemente awor cu autoridad a mira net ora nan ta haciendo e trabao di pone santo blanco, nan a actua. A mustra e ciudadano cu lamentablemente esey no ta permiti na Aruba, specialmente pa e temporada di Campamento, e permiso di campa ta bisa bon cla, cu ta uza e lugar pa Semana Santa, pero mester lage limpi manera cu bo a haye.
