RECIFE: Un muher cu un homber mara na cabuya tabata para ta wardando nan turno,
mientras cu e persona ta sinta riba un stul na un Centro di Vacunamento. Esaki ta e imagen cu a plama riba un video cu a circula riba Social Media.
Ta trata aki di un muher di pueblo di Rio Largo, cu ta keda na parti noordoost di Brasil, y el a hiba su pareha pa esaki por haya vacuna contra Covid-19.
E escena a wordo graba door di un otro persona cu tambe tabata den e sala ta sperando nan turno. “Un homber mara pa tuma vacuna,” ta loke el a skirbi riba social media cu e video. Den apenas algun ora, e video cu a wordo poni riba TikTok a bira viral y a genera tur tipo di comentario. Algun tabata cuestiona e situacion, y a cualifica esaki contra etica, y otronan a celebra cu tono di celebracion e actitud di e muher.
Otronan a bisa: “E cos aki ta parcemi totalmente corecto, y e mester bira hasta e tendencia.” Otronan ta bisa cu nan no ta mira e gracia cu algun hende ta obliga otro di haci esey. “E etica profesional ta permiti pa duna un hende e vacuna di e forma aki?”
